أتحاد الشباب الديمقراطى يشارك فى مظاهرات ضد التوريث

23 09 2010

تظاهر المئات من القوى الوطنية والديمقراطية وكوادر حزبنا فى القاهرة بحى عابدين وفى أماكن أخرى بالعاصمة اضافة الى مظاهرات أخرى ببورسعيد والاسكندرية ضد توريث الحكم لجمال مبارك أو التمديد لحسنى مبارك الذى تجاوز الثمانين من عمرة وأكد حزبنا على على رفضة التوريث سواء عبر مؤسسة الرئاسة أو عن طريق الدم او عن طريق تسمية رئيس جديد من ذات النظام كما أوضح ان مصر تمر بمرحلة شديدة الصعوبة والتعقيد نتاج الازمة الشاملة على كافة المستويات وان هذا الوضع الخانق لن يحل الا بتغير هذا النظام تغيير جذري يضمن الديمقراطية والحريات العامة والتمثيل الحقييقى للكادحين فى حكم يقضى على الفساد والاستبداد والتبعية وينهى الاوضاع المأساوية التى تمر بها البلاد حيث أصبحنا نعيش فى دولتين بلد للأثرياء والفاسدين واللصوص الذين يعيشون في مناطق مغلقه داخل أسوار وفي حماية قوات أمن خاصه ينفقون بترف وسفاهه ويتعلمون في مدارس و جامعات مصاريفها بعشرات الآلاف،وبلد أخر يعيش فيه الغالبيه العظمي من الشعب داخل جحور وعشوائيات و منازل متداعيه آيله للسقوط حيث يعانون من غياب الخدمات الأساسيه وشظف العيش وشح المياه النقيه وفي شوارع تموج بمخلفات الصرف الصحي وفي حاله من القذاره والإهمال والجهل والزحام والتلوث .

كل ذلك يتم في ظل دوله بوليسيه تحمي تلك الطغمه ولا تعني بأمن المواطن وتستبيح كل شئ وتهيمن علي كل مظاهر الحياه اليوميه وتدوس علي ابسط حقوق الإنسان تحت غطاء حالة الطوارئ المفروضه منذ حوالي 30 عاما ،وترسانه من القوانين المقيده للحريات بعضها من أيام الإحتلال والبعض الأخر مستوحي من النظم الفاشيه فرضتها الطغمه الحاكمه لضمان إستمرار حكمها ولحماية إمتيازاتها وللتستر على فسادها ولقمع المعارضين لها وأكد حزبنا على ضرورة مقاطعة الانتخابات البرلمانية وعلى رفض قواعد اللعبة السياسية وانه لم يعد ممكن ان تخاطب القوى السياسية هذا الحكم وتطالبة بشى وأصبح التوجة الوحيد هو التوجة الى جمهور الشعب المصري من العمال والفلاحين وممثليهم كاصحاب الحق فى قيادة وحكم هذا الوطن لانقاذة من الحكم الاستبدادى القمعى بقيادة الفاسدين ورجال الاعمال الذين ينهبون الوطن ويفرطون فى امنه وسلامته .
وقد شارك حزبنا فى المظاهرة رافعا لافتات الحزب الشيوعى لترفرف الريات الحمراء فى ميدان عابدين وتؤكد موقف الحزب الشيوعى الرافض لهذا النظام .





على طريق الحزب الشيوعى لنقضى على الراسمالية وقوى الاستغلال

20 09 2010
شكَّل مهرجان الشبيبة الشيوعية اليونانية عيداً حضارياً سياسياً للشبيبة، تحت شعار : مع الحزب الشيوعي اليوناني على درب الإنقلاب على الرأسمالية.
أقيمت في أثينا على مدى ثلاثة أيام من 16 و حتى 18 أيلول/سبتمبر 2010 التظاهرات المركزية للمهرجان السادس و الثلاثين للشبيبة الشيوعية اليونانية و مجلتها “أوذيغيتيس” ، التي تشكل حدثاً ثقافياً- حضارياً سياسياً للحركة الشعبية في اليونان. هذا و سبق قيام الشبيبة بعشرات التظاهرات المماثلة في جميع المدن الرئيسية، في جميع أنحاء البلد، حيث كانت رسالة المهرجان السياسية:” مع الحزب الشيوعي اليوناني على درب الإنقلاب على الرأسمالية.”
هذا و أثبت الحضور العمالي الشعبي و الشبابي خصيصاً، تجاوب سكان ضواحي غرب أثينا(حيث يتركز سكن العائلات العمالية و الشعبية)  مع دعوة الشبيبة الشيوعية اليونانية، فعلى الرغم من ضخامة منتزه “انتونيس تريتسيس” في ضاحية إليون، قياساً مع مكان إقامة المهرجان في السنوات السابقة، فقد اكتظ المنتزه بآلاف الزوار.
هذا و قام الآلاف من أعضاء الشبيبة الشيوعية اليونانية، و بمساندة الحزب، بالعمل على أساس طوعي بتجهيز أقرأ باقي الموضوع »




لا للجدار الفولاذى … نعم لفتح معبر رفح بشكل دائم

3 01 2010
الحزب الشيوعى المصرى

لا للجدار الفولاذى …
نعم لفتح معبر رفح بشكل دائم

فى الوقت الذى تضرب فيه إسرائيل  عرض الحائط بكل المواثيق الدولية ، وتواصل بناء المستوطنات وتستمر فى ممارسة جرائمها المعادية للإنسانية فى حق الشعب الفلسطيني  يخرج علينا النظام المصري بفضيحة جديدة تظهر مدى عجزة وخضوعه للملاءات  الحلف الامريكى الصهيونى ،وبعد فترة من الصمت المريب والتخبط الحكومي  صاحبت بداية أنشاء هذا الجدار الفولاذي الذي يمتد إلى باطن الأرض عشرات الامتار على طول الحدود المصرية مع غزة والتعتيم الاعلامى الرسمي على كل ما هو متعلق بالتمويل الامريكى لهذا الجدار وكل ما يستلزمة من معدات وأجهزة الكترونية اعترفت الحكومة المصرية بالبدء فى أنشاء هذا الجدار تحت زعم عدد من المبررات الواهية بحجة غلق الأنفاق لمنع التهريب وحماية الأمن القومي المصري وممارسة مصر لحقها فى السيادة على أرضيها غير انه في حقيقة الأمر ان بناء هذا الجدار ما هو إلا تنفيذا لمطالب أمريكية صهيونية ولحماية امن إسرائيل فى الأساس .
ونحن اذ نعلن رفضنا القاطع لهذا الجدار فإننا نؤكد ان موقفنا نابع من فهم وطني حقيقي  لقضية السيادة واحتياجات الأمن القومي المصري وضرورة مساندة الشعب الفلسطيني في نضاله من اجل تحرير بلادة ونيل حقوقه المشروعة .
وهناك عدد من الحقائق لابد من التذكير بها والإشارة إليها فى هذا الموضوع :
1- ان السبب الرئيسى فى معاناة الشعب الفسلطينى وحصاره هو الاحتلال الاسرائيلى المدعوم أمريكيا ،غير ان الانقسام الفلسطيني الذي تتحمل مسئوليته فتح وحماس يعد أيضا سببا مباشرا فى تكريس هذه الأوضاع المأساوية  خاصة فى ظل اصرر حماس على عدم أتمام المصالحة  الفلسطينية حتى الان ، وحرصها على فرض  هيمنتها الكاملة على القطاع والمعابر غير عابئة بالمصالح العليا للشعب الفلسطيني .
الا ان موقف النظام المصري المتخاذل والمرتجف
من اتخاذ اى موقف مناوئ لأمريكا وإسرائيل ، وإصراره على عدم فتح معبر رفع بشكل دائم وأقدامه  الان على هذا الجدار العار وحماقته فى رفض تسهيل مرور قوافل الإغاثة الدولية” شريان الحياة ” و” الحرية لغزة ” كل أقرأ باقي الموضوع »




يا عمال مصر اتحدوا ضد سياسات النظام الحاكم

27 01 2009

يخطئ النظام الحاكم وكتيبته من رجال الاعمال فى ان المسكنات التى تعطيها للعمال خلال هذه الايام سوف توقف الحركة العمالية النضالية التى يمارسها العمال من اجل مطالبهم العادلة ، يتحرك العمال من اجل ظروف وشروط عمل ادمية واجر عادل يتناسب مع إرتفاع الاسعار ويطالبون بكيانات عمالية ونقابات مستقلة تأتى بإرادة العمال معبره عن مطالبهم وارادتهم . ويثبت الحكم بشكل متواصل عجزة عن ادارة البلاد فى ظل تؤاطؤ حكومة الحزب الحاكم الذى يراسه “مبارك” مع رجال الاعمال والمستثمرين ،وقد كان الموقف من المليادير احمد ضياء الدين المصرى الحاصل على الجنسية الامريكية تعبير عن عجز الدولة وتواطؤها مع رجال الاعمال حيث لم تستطيع الدولة مطالبته بتنفيذ إتفاقيات العقد الذى ابرمته معه عندما باعت له شركة النوبارية للميكنة الزراعية نهاية القرن الماضى ، حيث قام هذا المستثمر بغلق الشركة وفصل العديد من العمال والنقابيين بمخالفة كل القوانيين والاعراف وكذلك حرمان العمال من الاجور منذ تسعة أشهر .. وتاتى ابواق الحكومة حسين مجاور وعائشة عبد الهادى وصحف السلطة كى تدعى ان مبارك ينحاز لمحدودى الدخل ويرعى العمال وينحاز اليهم ؟!! لم يقتصر الامر على ذلك بل قامت الدولة بالصمت نحو 3000 عامل من شركة مصر الحجاز للبلاستيك بالعاشر من رمضان فى مواجهة المستثمر محمد ابوعيطة ، ولم يلتفت احد الى مطالب العمال فى صرف العلاوات والحوافز والمنح ، ولم يكتف الملياردير ابو عيطة بذلك بل قام بنفى العمال المحتجين الى مصنع صغير اطلق عليه العمال “سجن ابو غريب ” حيث لا تتوفر فيه وسائل الحياة !!… ومن النماذج الجديدة التى تكشف فساد هذا النظام ومحاولاته المستمرة لتخسير الشركات الوطنية العملاقة بهدف بيعها بابخس الاثمان للمستثمريين ،اضافة الى تفكيك القطاعات الصناعية ونقل ملكيتها او انهاء وجودها بالكامل لصالح راس المال المحلى والعالمى من اجل فتح باب الاستيراد كما تم فى قطاعات صناعية اخرى ولقد إعترف عبدالعزيز حافظ رئيس مجلس إدارة الحديد والصلب فى تصريحات له فى صحف مصرية أن الفرن الثالث متوقف ، وان الانتاج تناقص بنسبة 50% الامر الذى يهدد مصير هذه الشركة الوطنية ، ومستقبل 13 الف عامل ، وطالب الحكومة بوقف إستيراد الحديد من الخارج ودعم هذه الشركة ولكن لا حياة لمن تنادى لانهم يحرصون كل الحرص على تنفيذ مخططاتهم بعيدا عن اى تصورات او اجراءات وطنية . وتستمر عملية التستر على الفساد حيث تم فصل مدير عام الرقابة والتفتيش بشركة باتا الوطنية عندما ذهب مؤخرا الى المسئولين يطالبهم بالتحقيق فى الفساد الذى يهدد مصير هذه الشركة ومستقبل الاف العمال فيها ،وتستمر الشركة القابضة للكيماويات برئاسة عادل الموزى فى التستر على الفساد المتمثل فى شراء بضائع غير مطابقة للمواصفات وسحب ملايين الجنيهات على المكشوف اضافة الى عمليات سرقة لم يتم التحقيق فيها بهدف تدمير هذه القلعة التجارية مثلما حدث مع شركة عمر افندى مؤخرا … ولم تنته مشكلة عمال شركة مصر للغزل والنسيج حتى الان رغم تصريحات المسئوليين ، ولم تتوقف السياسات التى تسبب الخسائر ، فقد خسرت الشركة هذه العام اكثر من 50 مليون جنيه ، ومازال العمال الذين صدرت قرارات بنقلهم بسبب مشاركتهم فى تحركات عمالية من اجل حصولهم على العلاوات والمنح والحوافز خارج اسوار الشركة ، وتشير التقارير الصحية الصادرة من مكاتب الصحة بالغربية بان هناك الاف من العمال فى شركة الدلتا للغزل والنسيج يعانون من اثار البيئة غير النظيفة ويشربون مياها ملوثة ! وتتوالى مواقف النظام العدوانية تجاه الطبقة العاملة وأقرب مثال على ذلك هو ما حدث بشركة طرة الاسمنت بحلوان من تعنت الادارة الايطالية التى إشترت الشركة من حكومة مبارك فى إطار برنامج الخصخصة برفض تنفيذ بنود الإتفاق فى صرف الحوافز والعلاوات والمنح ، ولم تكتف الادارة بذلك بل طالبت العمال بالخروج على المعاش المبكر فى ظل صمت حكومى غير مسبوق.. وفى حلوان يجب الا ننسى مصيبة اخرى من مصائب الحكومة التى قررت عن طريق الشركة القابضة للصناعات المعدنية والنقابة العامة بالتنسيق مع وزارة الاستثمار تصفية شركة النصر للسيارات العملاقة لينتهى بذلك عصر هذه الصناعة الوطنية ويتم تشريد الاف العمال النماذج كثيرة وحية تكشف عن موقف النظام المعادى لحقوق الملايين من العمال ،فهذا النظام الذى يقوم بتزوير الانتخابات النقابية العمالية ، وهو النظام الذى يستخدم القمع البوليسى فى تهديد العمال لمجرد انهم يطالبون بحقوقهم ، وهو ذات النظام الذى يسيطر على التنظيم النقابى الرسمى الذى يعانى من وقائع فساد غير مسبوقة وإهدار اموال العمال فى بدلات وسفريات وعزومات وغيرها ،ولا يمكننا ان ننسى ما حدث فى شركة المشروعات الصناعية والهندسية بمدينة نصر عندما تحالفت الادارة والحكومة لعقد الجمعية العمومية بدار الشرطة المواجهة لمباحث امن الدولة لإرهاب وتخويف العمال ومنع تحركاتهم ، إلا ان العمال إنتصروا واصروا على الاحتجاج والمواجة بلا خوف ، فكانت النتيجة هى خروج قرارات حاسمة بمنع تصفية الشركة التى يعمل بها 3500 عامل فى جميع المحافظات ، وبدء التحقيق فى إهدار مليار جنيه ذهبت فى كروش المستثمريين ورجال النظام الحاكم . ان اثار ما تنتجة سياسات النظام من تشريد وبطالة وتصفية وبيع للشركات مازالت مستمرة فها هى مشاكل عمال “تليمصر” و”المصابيح الكهربائية “ خير دليل على ذلك. وفى ضوء كل ذلك ليس غريبا ان تدرج منظمة العمل الدولية مصر على القائمة السوداء خلال مؤتمر جنيف فى يونيو 2008 الماضى إن الحزب الشيوعى المصرى يدين هذه المواقف المتكررة من نظام ينحاز دوما الى مستغلى الطبقة العاملة على حساب الملايين من الكادحين الذين ينتجون الخيرات ولا يجنون سوى المعاناة والفقر ، ويطالب كل القوى الوطنية بالتوحد لفضح هذه السياسات ، ويطالب العمال بالإستمرار فى تحركاتهم المطلبية عبر حركتهم الاحتجاجية المنظمة لإسترداد حقوقهم المسلوبة من قبل مجموعة من مصاصى عرق ودماء العمال ، ويطالب القوى الوطنية التى إنتهت مؤخرا من مشروع قانون جديد يدعو لاستقلال وحرية النقابات العمالية بسرعة تقديمة الى البرلمان والضغط عن طريق العمال بتنفيذ هذا المشروع الوطنى الجديد ، وتشكيل حملة واسعة للدفاع عن الحريات النقابية تضم الاحزاب والقوى السياسية نحو حرية ملايين العمال من قبضة الاستغلال والحرمان والفساد .





و ده يطلع ايه انشاء الله ؟؟؟

26 05 2007

اول حاجة هنتسأل عن الاسم قبل حتى ما نكتب اى حاجة فى موقع البلوج بتاعنا علشان الاسم غريب شوية

 

 

 

1.    يعنى ايه مصاروة ؟

 

مصاروة هى جمع تكسير – ده اللى فاكره بصراحة من النحو بتاع ثانوى – لمفرد مصرى فى اللغة العامية المصرية

 

 

 

2.    طب ليه مصاروة بالذات ؟

 

علشان احنا اعضاء فى الحزب الشيوعى المصرى و الناس اللى بيعملوا نفسهم فاهمين و عارفين خبايا الامور و اللى ذكائهم خارق للعادة لما حد مننا بيديله ورقة مكتوب عليها بالبنط العريض الحزب الشيوعى المصرى يروح هو غامز بعينه كده و يقولك " مصراوى انت .. فاهمك يا لئيم " فطبعا الواحد مننا احتراما منه لذكاء المواطن ده فمش بيعلق على الموضوع و ربنا امر بالستر بقى

 

فلما نفس الراجل و هو قاعد على نفس القهوة يشوف واحد مننا بيقابل واحد او اتنين او اكتر و ياخدوه على جنب يمكن عشان الفلوس اللى عليه او ورق امتحان بعد بكره اللى مذاكروش لسه فيقوم صاحبنا اللى قاعد على القهوة مميل على صاحبه اللى قاعد جنبه و يقوله " دول يا عم مصاروة .. اللى تبع المصرى .. حزب سرى يعنى بس انا بقى عرفتهم واحد واحد " و يرجع تانى و هوا حاسس بسلام و اطمئنان داخليان كونه علم و تأكد و توثق بأنه قد رأى توه اعضاء فى الحزب الذى سمع عنه كثيرا و درسه و نقده

 

و نحن تقديرا منا لدور هذا المواطن الصالح الذى لا يهدأ له بال حتى يرضى قلقه المعرفى فى اطلاق هذا المسمى علينا فقد قررنا تمجيد اسمه ليصبح اسم موقعنا من الآن " المصاروة "

 

 

 

3.    و انتوا مين بقى يا حلوين ؟ – سؤال من المواطن الصالح المذكور فى البند رقم 2

 

عزيزى المواطن .. نحن اعضاء فى الحزب الشيوعى المصرى فى مرحلة الشباب و بنمثل المجموعة الشبابية فى الحزب و لو اخدت بالك من اللى كانوا بيدوا لـ " أ . م . س " ورق المذكرات لما كان مستنى على القهوة و هو قلقان كنت هتعرف الهيكل القيادى كله لينا .. حاول تفتكر كويس الشباب دول علشان لو قابلت حد فيهم مرة تانية يبقى هتعرفنا واحد واحد يا نمس و تبقى تغلبت بقدرتك الخلاقة و عقليتك الفذة وحدها على كل اجهزة الامن المصرية .. خلى بالك بقى على نفسك علشان فيه مخططات شريرة من اجهزة الامن للسيطرة على مثل هذه العقليات بواسطة القمر الصناعى بس ده سر بينا و بينك متقولهوش لحد

 

 

 

4.    يعنى انا مشفتش حد منكم قبل كده .. ولا عمرى شفت ليكم مقر ولا اى حاجة .. انتوا تلاقيكم تلاتة اربعة او خمسة على الكتير و عاملين فيها قال ايه حزب .. سؤال من الراجل اللى كان قاعد جنب المواطن فى البند 2 و 3

 

هما الناس الكبار فى الحزب للاسف ممروش بالاسئلة دى قبل كده فمحدش علمنا ازاى نجاوب عليها علشان برده الاحراج .. و عشان احنا حزب سرى – واخد بالك من كلمة سرى دى – يعنى معندناش مقرات ولا يا سيدى من حق حد يتكلم بأسم الحزب او يقولك انه فى الحزب علشان فيه اقمار صناعية بتسجل و كده – ده برده سر بلاش تقوله لحد – و يا سيدى ماشى احنا تلاتة بس الولة اللى كان واقف بيرن على خطيبته و الباقيين بيدونا مذكرات الامتحان اللى بعد بكره ده مش معانا علشان متظلموش

 

بلاش بقى توجع دماغك بينا و فيه حاجات اهم من كده ممكن حضرتك تركز فيها احسن

 

 

 

5.    حزب طويل عريض و فى الاخر يعملى بلوج مش موقع محترم كده بدومين و تصميم و حاجات كده تخلى الواحد مننا عينه تزغلل ؟

 

هنعمل ايه يا حاج .. انا مرتبى 450 جنيه و مواصلاتى بتكلفنى 150 و الاكل و الشرب و السكن بالباقى .. لو تقدر تتبرعلنا ابقى ادى الفلوس للى كان بيرن على خطيبته فى البند رقم 4 و هو هيوصلنا الفلوس .. بس للاسف كمان مش معانا كريديت كارد علشان نشترى الموقع .. بتكلف من بنك مش حكومى اننا نفتح حساب بحوالى 3000 جنيه فى بنك السى اى بى تقدر حضرتك تتبرع بيهم .. بس المشكلة بقى كمان اننا لو اشترينا بكريديت عليها اسم اى حد هيتقبض عليه طبعا لأن اى دومين ممكن بسهولة تعرف صاحبه .. ممكن تأشيرة سفر تشينجين و وعد مش هنكسرها و هنرجع بعد ما نعمل حساب فى بنك من هناك .. كلك نظر بقى و الولة ممكن يعدى على حضرتك فى اى وقت ياخد تبرعك للموضوع ده و نبقى شاكرين جدا لحضرتك يا فندم

 

 

 

6.    طب انتوا ناويين على ايه ؟

 

المفروض اننا ناويين على حاجات كتير .. بس مادمت حضرتك هتتابعنا على الموقع ده بس فانت مش هتشوف غير كلام كويس و جميل .. لكن لو عايز تبقى معانا فده موضوع تانى خصوصا اننا بتوع بقى نظرية ماركسية و شغل فى اتجاه تثوير – باحبها قوى الكلمة دى – تثوير المجتمع يعنى مش بتوع ثورات الاتصالات … لكن لو عايز تتابعنا على الموقع بس يبقى اهلا بيك برده صديق لينا بس بلاش تنسى تبقى تبعت تعليقاتك على الاقل على المواضيع اللى هننشرها

 

 

 

7.    انا ضد الشيوعية و الشيوعيين ؟

 

و احنا مش ضد حد غير اللى واقف ضد الناس و مصلحتهم و حقهم فى حياة تانية غير الحياة اللى البنى ادم بيتولد فيها علشان يستنى دوره فى الموت و عشان كده احنا قرينا و درسنا و دورنا و فهمنا و عرفنا دورنا ايه بالظبط فى اننا نغير كل القرف و الكره و السرقة و القتل و الجهل ده بأننا نبقى موجودين فى صفوف حزب حقيقى مش مجرد حزب ورق خيبان .. حزب يقدر انه يبقى بديل لقهر الحكومة فينا و بديل لخداع القوى الظلامية لينا و لمساومة الليبراليين بينا … شفت المعادلة بسيطة ازاى ؟ احنا عايزينك تفضل معانا على الموقع و تتابعنا اول بأول علشان ممكن تغير رأيك لما تعرف اكتر عننا لأننا عارفين ان الناس واخدة فكرة عن الاحزاب الشيوعية فى مصر بشكل غلط تماما لأننا كنا زيك كده برده قبل ما نقرا و نعرف و نفهم

 

 

 

8.    برده انا مش عارف انتوا عايزين ايه ؟

 

احنا قلنا اننا عايزين حاجات كتير .. بس الاساسى من الموقع ده هو اننا نوصل صوتنا للناس .. الناس مش عارفة عننا كتير و طبعا اى انسان بيبقى واخد موقف عدائى من اى حاجة مش عارفها .. فاحنا بس هنحاول نوصل ليكم عن طريق البلوج ده اخبارنا و افكارنا و كلامنا و احلامنا و يمكن النكت اللى بنقولها كمان – ليه لأ ؟ – يعنى حاجة زى نافذة صغيرة نقدر نوصلك بيها لأننا عايزين نبقى قريبين منك

 

 

 

9.     طب انا عايز اتصل بيكم ؟

 

للاسف احنا منقدرش نعمل اى اتصال مباشر بيك خارج طريق الانترنت بس هتلاقى فيه صفحة للاتصال بينا تقدر عن طريقها انك تبعتلنا تستفسر عن اى حاجة بس مش هنقدر نساعدك فى موضوع الانضمام للحزب علشان احنا مش بنقبل اعضاء عن طريق الانترنت لأن الاعضاء عندنا لازم يتم تجنيدهم فى الحزب عن طريق اعمالهم و نشاطهم مش مراسلاتهم .. و ده امر احنا نفسنا اننا نغيره بس يمكن لما نقدر مع بعض اننا نغير شكل الحكم فى مصر بحيث اننا منبقاش حزب سرى و نفتح مقرات علنية لينا فى كل مدينة فى مصر تقدر ساعتها تتوجه على طول لأى مقر و تبقى عضو معانا .. بس قبل كده هيبقى صعب جدا .. لكن احنا بنعتبر كل زوار موقعنا من اصدقاء الحزب و ده معناه انك بنشاطك و فهمك للاوضاع و محاولتك لتغييرها و اطلاعك على ما يتم نشره فى موقع الحزب و فى موقعنا , تصبح صديق للحزب و ده بيبقى ليه كل صلاحيات العضو تقريبا و ليه الاولوية كمان فى بعض الاحيان

 

 

 

10.                     خلاص نبتدى بقى نجهز نفسنا علشان نكتب فى الموقع بدل ما احنا عمالين ندردش .. شوية شغل بقى بدل ما الكلام ياخدنا و ننسى اننا عايزين نقول كلام تانى اكتر

 

 

 







Follow

Get every new post delivered to your Inbox.